1. |
Einstieg
01:47
|
|||
Des perfekte Zweieck is gschnitzt, die feste Einheit rinnt / Ausdruck und Ton noch Moß, fließend wie Flyer im Print / Es gleitet dahin, klingend frische Teile mit Biss / Es leichtet und blitzt, auf’s neiche im Scheinwerferlicht / A feina Streifzug und Trip mit ausführlichen Reisebericht / Mit neichn Gsicht, Samples, Kicks und Hihats gespickt / the flyest shit - der nie obgleitet und sinkt / Wie Pfeile im Wind - gaunz oben stengan Zeichen mit Sinn / Des Feier brennt weida und glimmt, erscheint mit Eifer im Ring / A schweißtreibendes Ding, lebhoft im leichten Sprint / feirig und gschwind, in dera Maschin is einiges drin / HipHop wie aus’m Büdabuach und die Seiten ned dinn / Die Scheibm is gricht, erhitzt, a haßen Eisen im Griff / this is why i spit - mit feinen Beats und eigena Gschicht / Immer nu weida in Bewegung wie mei heilige Schrift / Chill-ill und DaskOne - Dynamic Drift
|
||||
2. |
In Bewegung
03:16
|
|||
CUTS
Es wird zeit für Fortschritt, auf zum nächsten Vasuch / Und des ohne Leistungsdruck, he du hebsta kan Bruch / Es kaun nur vorwärts geh, wie bei Emus und Kängurus / Mehr Leistung ois dei oida erledigta, schäbiga Campingbus / Moch jetzt an Move, sodast jetzta aufs Gas druckst / Wo is dei Motivation, Auntrieb und Enthusiasmus / Aussa aus dem Loch, mutier endlich zum Saatgut / Und dasstma jo nimma mit Prädikat, fad und zach kummst / Startschuss, sprich Aunpfiff fürn Aufbruch / Hoffma des beste, dass auf launge Sicht da Lauf pusht / Du ned im stau hupst oder von da Bauhn kummst / Du ned peinlich ausrutscht sowie Zeit und Raum nutzt / Bis zu deina Aunkunft, bis zu aungestrebten Vorsotz / Lebendig wie nie zuvor, wie Atlethen am Sportplotz / Und du kaunsta sicha dei dass i da längst nix vormoch / I bin geistig in Bewegung und ergänz mein Wortschotz / schauma wos jetzt dei ohr sogt
HOOK
Nimm die Strömung, die Wön und bewusst den Schwung mit / Bleib aktiv in Bewegung, im Lauf und Fluss drin / Ergeif die Möglichkeiten, nutz des nächste Sprungbrett / Sei da sicher, dir bleibt ned die frische Luft weg
Du brauchst an neichn Impuis, an dynamischen Zündstoff? / Für dein frischen Kreislauf und Zyklus, samma des neiche Zündschloss / Leg die Nodel auf und scho host den dopen Impfstoff / So dass dei Motor
wieder gscheit schnurrt mit voller Triebkroft / Auf gehts, und zwor mit Tatendrang und Schoffenslust / Ois häddast nie zu stoppen gwusst, genauso wie a Knospenwuchs / Offenes ruft, wie mir da lockare Loop / Loss di afoch mit da Wön treiben ois wast a Drochen im Flug / Gspir den Boss und den Groove und die Klaungmelodie / Sound und Musik, die grod lauft und fließt und bounced wie nu nie / DaskOne an den Tasten und am staubigen Beat / Eyo Dopes-C am Stift, schreibt do haundschriftlich mid / Wir haums laufend im Griff und der Austausch is gwiss / Wir bleiben weida in Bewegung und san dauernd aktiv / Ah wenn
der Blick noch vorn geht is die Power so deep / Unser Rezept, Beats mit Charakter und a schlauer MC / und es rauscht und spriesst
HOOK ⁄ CUTS
|
||||
3. |
||||
Es is wie mit da Wäsch’ / Es ghert gmocht, ah wemmas vakehrt mocht oder streit wer’s zuerst mocht / Da Dreck ghert aussagschwabt, wäu’s dei Herz sogt und Wert hod / Es is dei Herzschlog, der oft mehr schofft ois Schwerkroft / Es ghert gsogt, kerzengrod, obmas liab oder gfernzt wogt / Ernsthoft, es wirkt oft Wunda, mocht di runder wie Bogen / Du stehst unter Strom, liegst unt’ am Boden oder es is Luft noch oben? / Dass ma si urdentlich belohnt, do gibts hundat Methoden / Zum Beispü Fiassobdrücke hinterlossen, wie Spuren am Mond / Du host dei Uhr ned oben? guad so, die nimmt di nur auf’m Orm / Moch liaba glei ohne Zeit und wöh söbst wie in Wurlitzer Form / Warum isma denn nur so stur, kurzsichtig und vursichtig worn? / Popcorn, Youtube- und Porn? Daham san gnua scho gstorbn / Scheiß auf’s zögern beim Zug ala Schachbrettfigurn / Ah neiche Linie wird am Punkt brocht - Akupressur / Moch auf dei Pappalatur, ohne smartes Kastl und Tastatur / Es liegt allanig aun dir, doch den Takt gema vur
HOOK
Oiso gemma kumm scho, tua ned ummadumm do / Bleib dabei, Schrei die frei, du kummst ned drumherum jo / Du gspirst jo nu dast Eier host, wos is mit deina Geisteskroft? / Hoi amoi tiaf Luft und hoi aus zum Befreiungsschlog / Oiso gemma kumm scho, tua ned ummadumm do / Steh jetzt auf, heb di Faust du kummst ned drumherum jo / Tua hoid ned so schleierhoft, wos is mit deina Geisteskroft? / Hoi amoi tiaf Luft und hoi aus zum Befreiungsschlog
SUPASTITION
I’m chasing my liberation like Jason racing at victims / I feel amazing, I’m growing while gaining patience and wisdom / I’m giving praise to my savior, thank him every day that I’m living / for blessings, conquering depression, and reshaping my vision / the man I’ve become is someone my son can call influential / no more screaming out “fuck the world” ‘cause not everybody’s against you / every strenuous test I’ve been through, I label a learning lesson / ‘til I return to my essence, this ain’t a sermon or lecture / this is testimony, homie, sorry no time to chill bro / ever since I departed the party scene I feel woke / maturity and real growth, cutting off negative folks / I used to be close to giving up but nowadays I give hope / I choose to follow my heart ‘cause people of God is all that we are / so pardon me if I’m not at the bar, this life is short, I gotta go hard / no more making excuses, copping pleas, today I’m taking charge / keep moving forward - it’s time to let the world know how great you are
HOOK ⁄ CUTS
|
||||
4. |
Laufn Lossn
03:59
|
|||
Wenns rinnt und fliasst, nimm deine Händt und Fiass / Pock die Chance beim Schopf, noch’m Motto: Wer bremst valiert / Denn wauns rennt wie gschmiert und ois senkrecht maschiert / Dauerds oft ned laung bis dei Boot wieder kentern wird / Nimm ois fest ins Visier, wenns grod passt und sein soi / Elan und Eifer steigt woi und die Passion treibt voi / Strömung ausnutzen bisma zur Station einroit / Schwung aufrecht erhoitn bis der Status Quo einfoit / Laufn Lossn wie endlose Regenschauer / Bis neiches erwocht, si erstreckt wie die chinesische Mauer / Storkes schoffen wos ka Kroft kost wie seelisches Trauma / Bis neiches gedeiht und vielleicht währt auf Lebensdauer / Reiß dei Segel dauna, nimm den nächstn Rückenwind / Bis dei Glück wieder vaschwindt und Unterdrückung beginnt / Ob’s direkt und ehrlich, afoch oder mystisch gelingt / Loss’ natürlich tropfen, solangs di glücklich stimmt
HOOK
Wenns pläschert und rinnt, afoch laufn lossn / Nur vaschnaufen und rosten, doch ka Pause mochn / Afoch schaun wos passiert, si trauen und probieren / Afoch Chancen riskieren - Hauptsoche gspirn
Laufn Lossn, wenn die Feder von allanig schreibt / si Denga auf die Haund befreit, dei Thema nu a Aussog teilt / Wenns laufend nice aus’m Sampler bounct so tight / Dei Fader nur mehr Flaumen schmeißt und so jede Aunlog zreisst / Laufn Lossn wenn da Powder bis zur Hüften reicht / Dei Power nu vom Frühstück greift, bis zum Hüttengeist / Wauma jeden Spot, mit’m Breddl schofft, menge Meter mocht / Jedes Obstacle beim Skaten rockt und des am schensten Tog / Laufn Lossn, wenn dei Dame ummanaundaspinnt / Und di des Drumherum und der Wahnsinn umman Vastaund bringt / Wenn Du am Raund mit Haund winkst, doch di kana mit auf’s Laund nimmt / Gaunz wichtig, wenn dei Karre wieder aunspringt / Laufn Lossn, wenn da Obend grod in Stimmung kummt / Bis die Hittn boomt, da Club kocht bis zum Siedepunkt / Ob dei Lady für a Nummer oder wiederkummt / Genieß es, egal ob beim Schlummer oder Liebestrunk
HOOK ⁄ CUTS
|
||||
5. |
On & Off
02:07
|
|||
Licht bricht ins Schlofzimmer mit brummen und stumpfen Ton / Punkt 7, die Haund findt vo söbst zur Schlummerfunktion / Da erste Blick auf’s Telefon, wieder weggedöst und wegdruckt / A hoibe stund späda schnö nu Mails checkt und Facebook / Draußen aus de Federn, doch super spot is jetzt / Schnö nu Gwaund gsuacht, Zähnt putzt und kurze Kotznwäsch / Radio gach aufdraht und dazua nu die Kaffeemaschin / Verpasste Reminder flattern scho am Handyscreen / Stöpsel in die Ohren - vü zu spät des Haus valossn / Da tägliche Wahnsinn beginnt draußen auf da Stroßn / Gschwind zur Statio, völlig fertig bin i in da Bim / Die Augen nu auf Hoibmost, owa scho am Infoscreen / Mei Sinnesorgan is duat wo die Werbetromme spriesst / Und olle Leit stärker connected ois die Stereo Mc’s / Mit Tempo zum Bankomat, doch die Kortn mog ned / Wos würdma ned ois mochn, wemma kan hortn Tog häd’ / Einiquetscht in Lift, im 7. Stock da Orbeitsplotz / PC und Firmenhandy on, doch oida mi zaht’s gorned grod / Straighter Blick ins Display für die nächstn ocht stund / Von wegen Kreativtät mocht Geist frei und dein Kopf rund / Feierobend um sechs, späda auf da Couch mit Kreizweh / Doch beim surfen und chatten bleibt immer Raum und Zeit steh / Nebenbei nu Zib-Flash, Instagram und Twitter checkt / Die Pommes gach ins Fritterfett und die klane nu ins Gitterbett / Mittlerweile vabunden mit jedn Computer / Doch irgendwaun vastummt des summen vom W-Lan-Router / Den gaunzn nettn Tog vabrocht, mit Elektrosmog / 23 Uhr 37 - i bin jetzt moi off
|
||||
6. |
Fremde Federn
03:04
|
|||
HOOK
Du schmückst die nur mit fremden Federn im gmochten Nest / Doch du bist aufgflogn, denn nix wos du mochst is echt / Steigst in gsetzte Fuasstopfen und klopfst nu Sprüche / Ernstest zwor die Lorbeeren, owa trogst kane Früchte
In da Schui hods augfaungen beim schummen und ohschreibn / Beim leichtesten Test hob i ma docht, wie dumm kauma do sein / Dir wor nix zu bled, jede Info host uns ausaglockt / Host di nie um wos kümmert, wir haum Hausübung gmocht / Bist imma scho vawendt gwesn und host gwusst wisstas mochst / Host deina supan Tricks ghobt, doch untam Strich nix gsogt / Worst immer der, der obghupfat hod und des schlecht kopiert / Ollas schrecklich imitiert, doch ois wor perfekt inszeniert / Worst oft durch’n Wind, doch hosta ois auf deine Fahnen gheft / Johre späda haum des ned amoi deine Damen checkt / Im engen Kreis chaotisch, noch außen hin ois urdntlich gmocht / Noch oi der Zeit hod kana gfrogt, wie host du Matura gschofft / Durch dei horte Orbeit host du di imma söbst belohnt / Und dein Titel vadaunkst du anzig alla deim gföschten Diplom / Dei Aufstieg wor sicher, wie Aunerkennung und Bewunderung / Doch kana nimmt dir ausgfuchsten Hund de Nummer krumm / Lückenloser Lebenslauf, doch entspricht kaum dein Werdegaung / I kauma scho vorstöhn wie’s bei deina Steiererklärung werden kaun / Aun deina Stöh würds mi laungsaum echt scho stressen / Jeder eingreichte Restaurant-Beleg wor a nettes Gschäftsessen
HOOK
CUTS
Unbegreiflich wie du des mochst, die durchboxt und durchschlogst / Ned zu fossen, dass dei Tarnung nu so guad kloppt und Fuass fosst / Du host Durchhoitevermögen, muats Kroft dast kan Sturz mochst / Dass du ka Furcht host, dass boid wer dein foischen Kurs stoppt / Guad gmocht, frogt sie nur wie laung des so bleibt / Waun die roten Zoin kumman, die dei Laungfinger schreibt / Schreckst vor nix und niemand zruck, jedes Delikt is fix Betrug / Doch deine Spuren werden sichtbor und erste Komplizen gesucht / Dei deixeln bleibt ned fehlerlos, se segn boid jeden Verstoß / Die Drohtzieher werden scho unruhig aufgrund weniger Moos / Genügend Leichen im Kölla, doch du mochsta wieda blede Föhla / Es geht um Aktien, Kunstraub, Hinterziehung vo Spendengöda / Um gföschte Dokumente bei Kredite und Schecks / Jetzt sitzt im Prozess und es steht da Richterspruch fest / Dei Frau und Freindin san beide im Gerichtssoi entsetzt / I hobs scho immer gwusst du laundst sicher boid fix im Netz /
HOOK
CUTS
|
||||
7. |
Zum Inneren Kern
03:47
|
|||
CUTS
I hob gnua davo, vom ständig foischen präsentieren / Vo Leit die oiwei nur liagn und somit ois valieren / Wie Glaubwürdigkeit, Gefühle und Emotion / Sie schwimman nur mit ohne Züle, ned gegen den Strom / Blicken kaum hinter Kulissen und geschminkten Masken / Lesen ned zwischen den Zeun, vagessn wichtige Fakten / Erkennan so guad wie nix, hinterfrogen ned wos draufsteht / Nur a aufgsetzts Outfit, wie Model am Laufsteg / Wos mi aufregt, die Arroganz mit dem feschen Look / Menchenkenntnis null, Hauptsoch fashion-bewusst / Ihr hobts den besten Duft, owa ka Ehrlichkeit / Wissts wenig vom Leben, owa ois wos da Fernseher zeigt / Sötn Wertefrei, engstirnig ohne Herz dabei / Es losst si schwer vameidn, denn ma merkts a glei / I loss liaba Hüllen foin, ohne Ecken und Kanten / Und pass ned in eicha Muster wo sie Menschn vaschanzen
HOOK
Weg mit den Hüllen, Schluss mit Fassaden / Ende mit Vapockung, genug Maskeraden / Zruck zum innaren Kern, zum gsundn Bewusstsein / Die Schoin muas weg, nur so kummt ma ans Fruchtfleisch /
Ihr seits olle so cool, olle so nice / Und ihr liefers jedes Weekend den vollen Beweis / Ihr lossts nix aus, es wird jede Chance gnutzt / Nur is ollas Fassade bei eich wie a Aussenputz / Geprägt vo Oberflächlichkeit, Hobgier und Neid / Kanna gönnt wem wos, wos wer schofft und erreicht / Besserwisserisch, ihr hobts des echt ned im Blick / Gfühsmässig koid wie Vinzenz da Blechpolizist / Lächerlich - wemmas moi näher betrochtet / Is eich eigentlich nur wichtig, dass eich jeder beochtet / Ihr woits Gfoin, seits immer beweglich und munta / doch künstlich aufputscht wie eicha syntetisches Klumpat / Da nächste Wiederspruch, der eich söwa ned bewusst is / Ihr werd’s es segn wenn eich da Schuss trifft, bis zum Schlusstrich / Wos in da Luft liegt, gscheide Überheblichkeit / Fois ihr in da Gegend seits, muas i eicha Nähe meiden / Fehlaunzeige, do schlogt mei System Alarm / Kummts ihr mir zu nohe, daun werd i jedesmoi gewarnt / Ihr kennts nu sovü kaschieren, vabergn und schweigen / es kummt die Wohrheit aun’s Licht und wirds ehrlich beweisen
HOOK / CUTS
|
||||
8. |
Zwischenstück
01:37
|
|||
9. |
Black-Out
03:21
|
|||
Verfoigt vom Mondschein offenbart si sei Streifzug / Sei Zü unbekaunt, er is mitten im Freiflug / Flüssig unterwegs ohne Plan wie Treibgut / Rauch vafliagt und sichert sei Weißglut / Da Himmel sternenklor, im Schein wird relflektiert / Undurchschaubor wos sei Netzhaut siacht / Die Lichterkettn is des wos Grenzen ziagt / Er steht komplett neben sich, owa im besten Liacht / Umrisse verwerfen seine Schottenseiten / Klore Linien vaschwimman wie Wossazeichen / Gedaunkensprünge miassn zum nächstn Obschnitt gleiten / Unbekaunnte Stimmen die erm in da Nocht begleiten / Ois is menschenleer, es foit denken schwer / Der flüchtige Blick noch vorn wor nur temporär / Sei freie Sicht vasperrt trotz Lichtermeer / A Substanz intus der seine Sinne ned schärft / Diffuse Silhouetten mochen sei Ortung schwoch / Ah schlechter Ohrwurm klopft und bohrt im Kopf / Systemerror, der ka Ordnung schofft / Trotz der Dunkelheit herscht a bunte Forbenprocht / Er nimmt Strömungen auf, verliert si im Dunstkreis / Die Atmosphäre kippt und er was ned wo Luft bleibt / Der Plotz wird enger - da Druck steigt am Brustbein / Plötzlich Kollaps - Es bleibt nur a Bruchteil
HOOK ⁄ CUTS
Erweckungsmoment, sie is gfässelt im Bett / Sie bleibt resistent, nimmt ihr Medikament / Da Schock is passe und ihre Ängste weg / Im Endeffekt ois wieder exzellent / Sie ziagt si zruck, owa schaut noch vorn/ Der Weg is nu ned gfunden doch da Ausgaung klor / Fortschritt is die Heilung der für Aufschwung sorgt / Taunz und Yoga wird zur neichn Ausdrucksform / Ihr Leben is Bewegung und sie mochts mit Schwung /Doch des letzte Happening is scho seit Wochen um / Die Tickets reserviert für nächstn Kotzensprung / Sie is sichtlich motiviert und die Nocht is jung / Elegant geht’s in’ Club am Raunde da Stodt / Nu kurzer Tankstöhnstop, denn sie brauch’n nu Schnops / Drinnan gengan die Damen scho am Taunzboden ob / Des Stroboskop liefert Stoff für a rostlose Nocht / Da Rausch mocht an Schleier wie die Nöbemaschin / Doch es wird nu feiriga ois warads Öl und Benzin / Auf amoi a SMS - I hob nix Böses im Sinn / Sie kaun’s ned ignorieren und was das löschen nix bringt / Sie vaschwindt mit voller Panik im Kopf / Die Gefühle kumman hoch, wos sie wahnsinnig mocht / Ihr Verfoigungswahn wird ärger, der die Karre ned stoppt / Ihr ABS flackert und blockt, bis’ auf amoi krocht
HOOK ⁄ CUTS
|
||||
10. |
||||
KINETICAL
we livin in some real weird times / all day everyday online / smartphone generation / likes instead of high fives / we turned widescreen into high size / turned a scene into hype / it’s not the art or the music anymore / it’s about luxurious lifes / about the booze they be sippin / that champagne with a price / about their shades and their ray bans / covering their real eyes / tryna realise that and / now doubletap if u like / just a pic and a hashtag /and u can spread a few lies / they ask me ‘why u got the blues - u just posted a track last night?’ / yeah i’d like them to discuss my music / but all their comments be like: ‘what whip do u ride? / do you still live in that crib on the 9th?’ / ‘who that chikk by ur side, she nice - wait, is that a gucci tie?’ / and i dont wanna lie so i’m tellin ya’ll straight / i’m gonna retire if the game wont change / it’s about the lyrics, not the price of my shades / it’s about the limmericks not about my chain / it’s about the skills / not the money that we gain / fuck ur diamond grillz / look at u - ur a shame / if there aint no more critics, guess i dont want ur fame / then / this is it i wont fit in ur frame
HOOK
Des san di Zeichen der Zeit / Leere Geistlosigkeit trifft auf seichtes Zeig / it’s the signs a the times / no more fight for ur rights like u all just align / Da Neid da Leid, durch Likes und Scheiß denma’ teilt / Wo is Beideitsamkeit, waun geht da Hype vorbei / what about ur lifestyle if u got no wifi / dont define ur urself online
Herst sog amoi, wos is do draussn los / In dem Bewegungsapparat wo kana aufsteh mog / Wissen is mocht, obwoi kana mehr ah Aufgob hod / Vo Beginn wird scho kämpft wengan Pausenbrot / Olle aussaputzt und geil frisiert / Doch kana kehrt do mehr vor da eigenen Tir / Sicht kleinkariert, Tricks fein kopiert / frisch reinpoliert, fix einstudiert / Wer is da beste, die schenste, des nächste Idol / Wer da fresheste Boy, wer schäffelt di Koin / Da Sekt is koid, olle VIP / Doch es’ Triebwerk is hi in da Maschinerie / Ka Sorge, i siach wos dahintersteckt / Nur Oberflächlichkeit, ka bissl Respekt / Hauptsoche frei und unlimitiertes Internet / Hinter’m Wischefinger lauert scho a Tindermatch / Wo is da Sinn vasteck, wo da Intellekt / Woher kummt der Nochgschmock der so bitter schmeckt / Da Köder wirkt nu imma guad wie bei Gift und Sex / Jeda wittat des Gschäft und a Stickl vom Cash / Da Mensch krepiert, es wird erm schlecht’s serviert / Scheißdreck wo die Höfte wieder wegghaut wird / Die Froge is, ob des jemois wieda bessa wird / Und wir schaun zua wie die Wirtschoft wieder expandiert /
HOOK
|
||||
11. |
Ausnahme-Angst-Zustand
03:58
|
|||
CUTS
HOOK
Wir san im Ausnahme-Aungst-Zustand / Doch kana braucht diesen Fluchtplan laung / Si woin Rückzug und Spoitung / Bewohr die Hoitung, wie Glück, Mut und schoit um
Überleg amoi, wie laung geht’n des scho / Wie laung spüma do scho mit, befoign Regeln und Co / Es is überoi, aun jeda Eckn, jederzeit, jeden Tog / Moch die Zeidung auf und des Thema is do / Si spün mit ihr, mit uns, moderne Kriegskunst / Verbreiten Gier und Mussgunst aus da Ferne mit Sichtschutz / Scannen dein Rhythmus, mit vadeckta Optik / Ois im Blick, ah wenn die Stodt im Smog vasinkt / Ka Wunder, Mocht vor unsan Augen Tog für Tog / Schädel werdn eingschlogn für jeweiligen Vodastoot / Reizüberflutung mit schlecht’m Kreislauf und Blutdruck / Suachma grundlos den Fluchtpunkt, zur Zukunft die zuruft / Vamutung - wir glauben, wir leben s’Leben befreit / Im gleichen Moment hauma an Wettlauf gegen die Zeit / Und schlucken dabei jeden scheiß wie a Drogenkurier / Hetzen vo an Termin zum nächstn, dassma den Boden valiern / Aus Jetzt - mit sinnloser Panik und dera Hetzjogd / Dem kollektiven Trauma, wos zwecklos Stress mocht / Hoib und Unwohrheiten werdn jetzt endlich ausm Weg gschofft / Freiheit gegen Sicherheit is täglich mei Bewegkroft
HOOK
CUTS
I kauman scho erklären den steigenden Woffenbesitz / Wäu da Durchschnitt nur vor Gratis-Zeitung und da Glotzn sitzt / Blindes konsumieren und Hetz in sozialen Medien / Owa nix hintafrogn, hauptsoch immer dagegen stemmen / Wöcha Sender is scho liberal und unobhängig / Warum zagens uns jederzeit Büda ständig unumgänglich / Unnediges aufputschen auf ollen Kanälen / Würd’s des ned geben ging da Plan vom Terror volle daneben / Owa olla dann’s reden und d’Sorgen san doppelt so gross / Doch sie gengan nur mehr auf’d Stross wegen pokemon-go / Hauptsoche Oblenkung, ohne Besinnung zum wesentlichen / Aufsaugen ohne Zufuhr von wichtigen Gegengiften / Nur Ausblenden - wos schwindet is Vatrauen ins Leben / Stott leiten lossen und Leit hossen liaba die Aungst umgehen / Sie probierens auf jede Ort, friss oder stirb / Doch es lauert ned sovü Gefohr wie uns vamittelt wird
HOOK
|
||||
12. |
Grosse Schritte
04:09
|
|||
Des Kriegsbeil in mir is begroben, Seelenfrieden im Zentrum / Der Körper wieder unversehrt, renoviert is mei Festung / Schau mi links und rechts um, mit fösnfester Vafechtung / Nix haut mi jetzt um, denn gsetzt is mei Deckung / Nenn mi Neptun, moch fließend ins Leben an Hechtsprung / Schöpf so wieder Energie, siach mei Wesen ois Schätzung / Licht scheint hervor aus der elenden Vasenkung / Endlich Richtungswechsel noch launga fehlender Lenkung / Treffpunkt, vo Körper, Seele und Geist / Seifenblosn haum si aus der gstörten Gegend befreit / Wo sie Luftschlösser und Hirngespinnste Käfige teilen / Doch haum mit’m Rest vom Umföd wirklich wenig gemein / Bis eben greift scheints ah weida Weg zum Segen zu sein / Doch die Lebenslinie spinnt meist neiche Fäden redlich allein / Wiema hert, vor eich a lebenda Beweis / Der si so sehr wünscht, dass dieses Sein für ewig so bleibt
HOOK
Wunden und Brüche, weit offene Risse / Nix do zum hoitn, rundum nur lose Griffe / Oft erforderts Geduid und grosse Schritte / Bis zur inneren Ruhe, zur ausgewogenen Mitte
I bin aunkumma, noch launga Entdeckungsreise / Noch suachn kummt finden, waumas checkt gaunz weise / Mit aundara echta Reife auf da Streckn im Geiste / Innare Sicherheit vabundn mit Essenz und Weite / Kennzeichen die deitn, auf neiche Kenntnisse weisen / Die vehement Ängste vaweisen und Hemmungen bestreiten / Unterbrechungen deichsln, Festsitzendes meistern / Der aktuelle Staund: Es gibt nix zum Erweitern / Die Sicht is heiter, die offene Richtung gfunden / Die Route stimmt und der Lotse in mir hod richtig gwunkn / Oft worn Knoten foisch bundn und mei Schiff is gsunkn / Und die Aussicht am Haupt wor mit dem Blick noch unten / Zu storka Wöngaung ohne Sicht im Dunkeln / Erfordert Durchhoitevamögn bis des Licht wieder funkelt / Noch Notsignale senden, unerbitterlichen funken / Steht der Kompass wieder richtig und der Schritt is überwunden
HOOK ⁄ CUTS
|
||||
13. |
||||
I soit, i kennt, i moch und tua / Es rennt und lauft, doch i hob ned gnua / Ois im Blick wos si in da Gegend so tuat / Doch es kummtma vor ois wa a Fuass immer neben da Spur / Vielleicht der Draung zu Obwegen, unbetretenes Laund / Wäu’s grod die Seele valaungt noch frischen Wegen zuschaun / Laung genug wor’s Leben a Stau in da gleichen Schleifen / A Kreisvakehr ohne Ausfohrt, ohne Vakehrszeichen / Doch es is aus mit de Runden, i hob aussagfunden / Und der Haufen von Wunden der is laufend vaschwunden / Grau is jetzt bunt und die Forben wieder sättigend / Perspektive schofft’s und mocht Norben zu an Happy End / Gib mei letztes Hemd, waun i Zeit in meine Texte spend / Denn s’Leben schreibt eben nu laung ned mei Testament / Die Grenzen werdn gsprengt, freie Fohrt ob jetzt / Des Zü liegt hinterm Horizont, mei Kurs is gsetzt
HOOK - THE UNUSED WORD
When you go and you have nowhere to stop / Except the one place where you know the beat will drop / Cry me a song, turn your flow into a river / Foot on the ground, and you know that they will shiver / You got that love, that hunger, that grit / You got the stamina, you know you’re gonna stick with it/ Been around and you know you wanna go, go, go / Where it leads you, baby, nobody can ever know, no
I wü, i mog, vafüg und hob / Es rennt und lauft, und mei Gfüh des sogt / Oft hodmas ned vor Augen wos an so des Leben gibt / Daun hasts Ausbruch der Norm und schaun wos daneben liegt / Entweder links oder rechts, neiche Pfode betreten / Die gaunzn Frogn vagessn, auf reinen Strossen und Ecken / Afoch los zu brechen, ohne schaun wos dahinter wor / Ah Zü liegt immer vor dir, irgendwaun bist dicht davor / Es sticht hervor und ma merkts und gspirts / Wauns im Herz vibiriert, wohin die Stärke ziagt / I bin ehrlich bei mir, auf dera Erdn im hier / Im do und jetzt, egal wos in da Ferne passiert / Mei innara Kern fixiert, die Essenz zum gaunzen / Kreativität und Spüraum mit Fenster noch aussen / Noch Schätzen lauschen die nu irgendwo verborgen san / Augen san offen und mei Ohr auf Empfaung
HOOK - THE UNUSED WORD
|
||||
14. |
Ausstieg
01:42
|
Dynamic Drift Linz, Austria
CHiLL-iLL & DaskOne = DYNAMIC DRIFT.
Collabo-Album 'IN BEWEGUNG' OUT NOW - via Tonträger Records / Hoanzl (CD, Vinyl & Digital).
CHiLL-iLL: Raps
DaskOne: Beats
Streaming and Download help
If you like In Bewegung, you may also like:
Bandcamp Daily your guide to the world of Bandcamp